Ger hûn dixwazin ciwan bimînin ji van kesan dûr…
Hewlêr (Rûdaw) – Li gorî lêkolînekê kesên ku di jiyana mirovan de “pirsgirêkan derdixin” dibin sedema kalbûn/pîrbûna zûtir.
Her wiha hat destnîşankirin ku li derdora nêzîkî ji sedî 30ê mirovan bi kêmanî kesekî ku “zehmetiyan derdixe” heye.
Lêkolîn di kovara bi navê The Proceedings of the National Academy of Sciencesê (PNAS) ya Amerîkayê de hat weşandin.
Di vê lêkolînê de bandorên wan kesên ku “pirsgirêkan çêdikin an jiyanê zehmettir dikin” a li ser jiyan û tenduristiya mirovan hatin nirxandin.
Daxwaznameya zûtir kalbûnê
Zêdetirî 2 hezar kesî beşdarî lêkolînê bûn û bandorên gengaz ên van kesên ku wekî “çêkerên zehmetiyê” tên pênasekirin ên li ser kalbûn/pîrbûna biyolojîk a mirovan jî hatin pîvandin.
Pêwendiyên civakî yên beşdaran ên di 6 mehên dawî de hatin qeydkirin.
Di lêkolînê de nimûneyên tifê jî ji bo analîza guherînên DNAyê yên beşdaran hatin wergirtin.
Hat tesbîtkirin ku ji bo her kesekî nû yê acizker ê ku beşdar bi rêkûpêkî pê re di nav dan û standinê de ne “leza kalbûn/pîrbûnê ji sedî 1,5 zêde bûye.”
Bandora neyînî ya li ser tenduristiya fîzîkî
Di lêkolînê de hat destnîşankirin ku bi kêmanî li derdora ji sedî 30ê mirovan “kesekî zor/zehmet” heye.
Hat diyarkirin ku “dan û standinên civakî yên dijwar dikarin bandoreke neyînî li ser tenduristiya fîzîkî û kalbûn/pîrbûna zûtir bikin.”
Di jiyana mirovan de faktora “stresa kronîk”
Nivîskarê sereke yê lêkolînê û Doçentê Alîkar ê Sosyolojiyê yê Zanîngeha New Yorkê Byungkyu Lee di daxuyaniya xwe de got:
“Tiştê ku me dît, di navbera hebûna kesên ku pirsgirêkan derdixin û leza kalbûn/pîrbûnê de pêwendiyek heye.”
Lee diyar kir ku li gorî encamên lêkolînê pêwendiyên kêmtir erênî dikarin wekî faktorên stresa kronîk tevbigerin.
Ji ber vê yekê hebûna van kesan a li derdorê dikare bi rastî jiyana mirovan zehmet bike.
