Di pîrozbahiyên Cejna Ekîtoyê de êrişa bi kêrê:…
Hewlêr (Rûdaw) – Li Dihokê di şahiya pîrozbahiyên Cejna Ekîtoyê de di êrişeke bi kêrê de 2 kes birîndar bûn.
Li ahengên Cejna Ekîtoyê yên li Dihokê kesek bi kêr êrişî du kesên din kir û yek ji wan giran 2 kes birîndar bûn.
Birêvebirê Nexweşxaneya Azadiyê ya Dihokê Ferman Ewla Elî ji Tora Medyayî ya Rûdawê re ragihand: “Her du birîndar ku jin û ciwanêk in, sewqî nexweşxaneyê hatin kirin.”
Bûyer di çarçoveya rêûresmên cejna Ekîtoyê de qewimiye.
Ferman Ewla Elî da zanîn ku yek ji birîndaran “jineke 65 salî ye û rewşa tenduristiya wê giran e û di bin çavdêriya hûr a bijîşkî de ye.
Jin bêhiş e, êrişkar kêr li serê wê xistiye û xwîn rijiyaye ser mêjiyê wê.”
Çavkaniyeke ji hêzên ewlehiyê yên Dihokê ji Rûdawê re got, ku êrişkar hatiye desteserkirin û lêpirsîn pê re tê kirin û heta niha sedema êrişê ne zelal e.
Cejna Ekîtoyê, an jî cejna serê sala Babilî-Aşûrî, dikeve roja yekemîn a meha Nîsanê.
Di vê cejnê de wekî nerîtekê salane fêstîval û çalakiyên cur bi cur tên lidarxistin.
Ev cejna ku ji bo Kildanan cejneke neteweyî ye, dîroka wê diçe 5300 sal beriya zayînê.
Cejna Ekîtoyê 12 rojan didome, ji bilî govend û reqsê, wekî Newroza Kurdan geşt û seyranan jî di nav de heye.
Li Herêma Kurdistanê ji sala 1992yan ve Xirîstiyan vê cejnê pîroz dikin.
