Li 8 bajarên Bakurê Kurdistanê hişyarî hat dayîn

Hewlêr (Rûdaw) – Li 8 bajarên Bakurê Kurdistanê hişyariya barana gur û lehiyên hat dayîn.

Saziya Keşnasiyê ya Tirkiyeyê ragihand ku li gelek bajaran îro û sibe barana gur dibare û hişyarî da welatiyan.

Saziya Keşnasiyê diyar kir ku îro demjimêrên êvarî li parêzgeha Mereşê barana gur dest pê dike û roja Çarşemê demjimêrên şevê li Wan, Colemêrg, Sêrt, Şirnex û Bêdlîsê û li bakurê bajarê Êlihê û bakurê rojhilatê bajarê Amedê yên Bakurê Kurdistanê barana gur dibare.

Her wiha ji welatiyan hat xwestin ku ji ber lehî, bahoz, birûsk û zîpikê baldar bin û tedbîrên pêwîst wergirin.