Li Mêrdînê veguhastin ji sedî 31 biha bû
Hewlêr (Rûdaw) – Li parêzgeha Mêrdînê ya Bakurê Kurdistanê bihayê veguhastina nav bajêr ji sedî 31 hat zêdekirin.
Li Mêrdîn û navçeyên wê biryara zêdekirina bihayê veguhastinê hat dayîn.
Piştî biryarê li nav bajêr karta ku bi 14 lîreyan bû derket 18 lîreyan û ya xwendekaran jî ji 9 lîreyan bû 12 lîre.
Her wiha siwarbûna bêkart ji 20 lîreyî derketiye 25 lîreyan.
Li gel vê yekê bihayê çûnûhatina navçeyan jî li gorî dûrbûnê bi rêjeyên navbera ji sedî 30-50 hatiye zêdekirin.
Li gorî vê yekê, çûnûhatina di navbera Mêrdîn û Qoserê de ya bikart derketiye 42 lîreyan û ya bêkart jî derketiye 50 lîreyî.
