RÛDAW TAYBET – Hikûmeta Sûriyeyê û Rêveberiya…
Hewlêr (Rûdaw) – Berpirsê Pêwendiyên Wezareta Petrolê ya Sûriyeyê Ehmed Silêman ragihand ku hikûmeta wî welatî rojane 15 hezar bermîl petrol ji Rêveberiya Xweser a Rojavayê Kurdistanê dikire.
Berpirsê Pêwendiyên Wezareta Petrolê ya Sûriyeyê Ehmed Silêman derbarê petrola li deverên di bin kontrola Rêveberiya Xweser a Rojavayê Kurdistanê axivî.
Ehmed Silêman da zanîn ku hikûmeta Sûriyeyê û Rêveberiya Xweser li ser petrolê li hev kir û got:
“Hikûmeta Sûriyeyê rojane 15 hezar bermîl petrol ji Rêveberiya Xweser dikire.”
Bi gotina Ehmed Silêman 15 hezar bermîlên petrolê yên li deverên di bin kontrola Rêveberiya Xweser a Rojavayê Kurdistanê bi rêya tankeran digihêjin parzûngehên li Himis û Banyasê.
Bîrên petrolê li Rojavayê Kurdistanê
Bîrên petrolê yek ji çavkaniyên herî sereke yên dahata Rêveberiya Xweser a Rojavayê Kurdistanê ne.
Piraniya bîrên petrol û xazê yên Sûriyeyê, li navçeyên Rojavayê Kurdistanê, Dêre Zor û Reqayê ne, ku li jêr kontrola HSD û Rêveberiya Xweser in.
Rojavayê Kurdistanê bi petrolê û xaza siruştî dewlemend e.
– Ji tevaya xaka Sûriyeyê, nêzîkî ji sedî di bin kontrola HSD û Rêveberiya Xweser de ye.
– Li gorî zanyariyan, nêzîkî ji sedî 90î ji dahata petrolê û ji sedî 45ê ji dahata xaza siruştî ya Sûriyeyê, di destê Rêvebiriya Xweser de ye.
– Bêhtirî zeviyên petrolê di bin destê Rêveberiya Xweser û HSDyê de hene.
Berhema rojane ya petrolê li navçeyên Rêveberiya Xweser digihêje bêhtirî 400 hezar bermîlan.
