Nêçîrvan Barzanî Konsulê nû yê Filistînê qebûl kir
Hewlêr (Rûdaw) – Serokê Herêma Kurdistanê Nêçîrvan Barzanî Konsulê nû yê Filistînê yê Hewlêrê Mahir El Kerekî qebûl kir.
Li gorî daxuyaniya Serokatiya Herêma Kurdistanê, Nêçîrvan Barzanî destbikarkirinê pîrozbahî Mahir El Kerekî kiriye û ji ber erka wî ya nû jê re serkeftinê xwestiye.
Barzani diyar kir ku ew amade ne her cure piştgiriyê bidin nûnerê Filistînê û tekez kir ku Herêma Kurdistanê dixwaze têkiliyên xwe yên bi Filistînê re bêtir pêş bixe.
Dîplomatê Filistînî kêfxweşiya xwe ya ji bo xizmetkirina li Herêma Kurdistanê anî ziman.
El Kerekî diyar kir ku Filistîn girîngiyek mezin dide têkiliyên xwe yên bi Herêma Kurdistanê re û ew dixwazin van têkiliyan di warên siyasî, aborî û çandî de bi pêş bixin.
Di hevdîtinê de her wiha rewşa herêmê û bipêşketinên dawî yên li Xezeyê jî hatin nîqaşkirin.
Aliyan girîngiya parastina mafên gelê Filistînê tekez kir û divê pirsgirêkên heyî bi rêbazên aştiyane werin çareserkirin û divê herêm aramî û aştiyê bi dest bixe.
