HEWLÊR – Berhem û navendên geştyariyê yên Wanê…
Hewlêr (Rûdaw)- Wana Bakurê Kurdistanê di Sêyemîn Pêşangeha Geştyarî ya Rojhilata Navîn a Hewlêrê tê nasandin.
Sêyemîn Pêşangeha Geştyariyê ya Rojhilata Navîn a Hewlêrê dest pê kir.
Wana Bakurê Kurdistanê bi xwarin û vexwarinên xwe yên xwemalî û potansiyela geştyariyê bala beşdarên pêşangehê kişand.
Odeya Bazirganî û Pîşesaziyê ya Wanê (Van –TSO) li pêşangehê standa xwe vekiriye û Heyeta Odeya Bazirganî û Pîşesaziyê berhemên wekî cureyên penêr, qawît, mirtoxe, nanê tenik, kede, mast, hingiv bi beşdaran da tamkirin û berhemên xwemalî yên Wanê da nasandin.
Heyet ji beşdarên ku hatine standa xwe re behsa cihên dîrokî û xwezayî yêm Wanê kir.
Her wiha di heman demê de agahiyên berfireh derbarê cihên dîrokî û geştyariyê yên bajêr hatin dayîn.
Beşdar, bi berçavka rastiya virtual derfet dîtin ku cihên dîrokî û geştyarî yên Wanê bibînin.
Li pêşangehê tê armanckirin ku pêwendiyên çandî, aborî û geştyarî bi Herêma bên xurtkirin.
Hat zanîn ku Serokê Van TSOyê Necdet Takva bi berpirsên kompanyayên geştê, hilberîner û nûnerên medyayê re civiya.
Di nav heyeta VAN TSOyê de Endamên Desteya Birêveber Mahmut Koroglu, Burak Gultepe, Reşît Yaren, Umît Can Sari, Yusuf Konak û Sekreterê Giştî Cengiz Aras cih digirin.
Rayedarên Hikûmeta Herêma Kurdistanê, ajansên geştyariyê, karsaz û nûnerên şirketan ên ji Îraq û Rojhilata Navîn tevlî pêşangehê bûbûn serdana standa Wanê kirin.
Her wiha Serokwezîrê Herêma Kurdistanê Mesrûr Barzanî jî serdana standê kir.
Serokê VAN TSOyê Mesrû Barzanî vexwend Wanê.
